ონლაინ მაღაზიამენიუ

სავარჯიშო ველოსიპედის ყიდვის გზამკვლევი

By MzeTV
November 28, 2021
2 min read
სავარჯიშო ველოსიპედის ყიდვის გზამკვლევი

სავარჯიშო ველოსიპედების კატეგორიაში განსაკუთრებული ინტერესისა და ინოვაციის შემოტანა ფიტნეს გაკვეთილების უზომო პოპულარობას უნდა მივაწეროთ. არ აქვს მნიშვნელობა, სახლის პირობებში გადაწყვიტეთ ფიტნესით დაკავება, თუ უბრალოდ ძალიან გიყვართ გარეთ ველოპედით სეირნობა და თუნდაც ცუდ ამინდში მიმართავთ ამ აქტივობას, ფორმაში დარჩენის მწველი სურვილით, სავარჯიშო ველოსიპედების ჩვენი რეიტინგებიდან რაღაც თქვენთვის საინტერესოს აუცილებლად გაიგებთ.

რა არის ჩვენი აღმოჩენა

ახალი სავარჯიშო ველოსიპედის ყიდვისათვის 200 დოლარიდან 2000 დოლარამდე თანხის გაღება მოგიწევთ. უფრო მაღალფასიანი მოწყობილობები, ძირითადად ხასიათდება უფრო მტკიცე დიზაინითა და მეტი მახასიათებლით, თუმცა ზოგიერთი ბიუჯეტური ფასის მოწყობილობებიც ასევე უზრუნველგყოფთ ფიტნესის მაღალი ხარისხით. კარდიორესპირაციული ფიტნესის ოქროს სტანდარტს სირბილი წარმოადგენს, მაგრამ სავარჯიშო ველოსიპედებს შეუძლია თქვენი ფეხების, თეძოების და კუნთების გაძლიერება იმაზე მეტად, ვიდრე ამას სირბილის დროს შეძლებდით. ამის მიზეზი კი ისაა რომ თქვენს კუნთებს მეტი წინაღობის გამო ბევრად უფრო უხდებათ რომ დაიტვირთოს.

არსებობს ორი ტიპის სავარჯიშო ველოსიპედი. ტრადიციული ვერტიკალური ტიპი ძალიან ჰგავს ჩვეულებრივ ველოსიპედს; უკან გადაწოლილ ველოსიპედს კი აქვს ზურგის მხარდაჭერა. ისინი მსგავსი ვარჯიშების გასაკეთებლადაა შექმნილი; ვერტიკალური უფრო უკეთ ბარძაყებს დაგამუშავებინებთ, რადგანაც შესაძლებლობას გაძლევთ სრულად გაჭიმოთ თეძოები. რადგანაც სხეულის წონაც მხარდაჭერიილია, ორივე ტიპი ისეთი ადამიანებისთვისაა შექმნილი, რომელთაც აქვთ სირთულეები ბალანსთან დაკავშირებით ან აქვთ ქვედა კიდურის დაზიანებები. უკან გადაწოლილი ველოსიპედი კი უფრო კომფორტული იქნება იმ ხალხისთვის, ვისაც ზურგის პრობლემები აღენიშნებათ.

როგორ ავარჩიოთ

თქვენთვის ყველაზე შესაფერისი მოწყობილობის საპოვნელად, დაგჭირდებათ მოსინჯოთ ის მანამ, სანამ ყიდვის გადაწყვეტილებას მიიღებთ. სავარჯიშო ველოსიპედები ვარირებს ზომებსა და ფორმებში, ასე რომ, როდესაც მის საყიდლად გაემართებით, მოირგეთ ის მაღაზიაშივე თქვენს ზომებზე. დააკვირდით, აქვს თუ არა კომფორტული დასაჯდომი და პედლები, რომლებიც ერგება თქვენს ტერფებს.

ჩვენ აღმოვაჩინეთ რამდენიმე ერგონომიული და კომფორტული ფანდები ზოგიერთ ველოსიპედში. ჩვენ მიერ დატესტილი ერთ-ერთი ველოსიპედის შემთხვევაში დასაჯდომის მორგება შეძლეს იმ მომხმარებლებმა, რომელთა სიმაღლეც 6 ფიტამდე და 2 ინჩამდე იყო. მაგრამ ასევე აღმოვაჩინეთ ისიც რომ ნებისმიერი 5 ფიტისა და 8 ინჩის სიმაღლის ზემოთ მუხლს ურტყამდა სახელურებს. სხვა ველოსიპედზე კი სახელურები იმდენად გრძელი იყო ზოგიერთისთვის რომ მომხმარებლები ვერც კი წვდებოდნენ, და მესამე ველოსიპედზე – დასაჯდომი აღმოჩნდა არაკომფორტული.

დააკვირდით გარანტიებს

ეძებეთ ისეთი გარანტიის მქონე მოდელი, რომელიც, სულ მცირე ორიდან სამ წლამდე მოიცავს მთავარი მოძრავი ნაწილების შეკეთების ან გამოცვლის სერვისს და ერთსაც სხვა მიზეზებით. დაზიანებისა და შეკეთების ხარჯების კვლევის მონაცემებზე დაყრდნობით დათვლილი ალბათობა აჩვენებს რომ გახანგრძლივებული გარანტიები, სრულებითაც არაა კარგი არჩევანი.

მახასიათებლები

გადაწყვიტეთ რომელი დამატებითი მახასიათებელია თქვენთვის მნიშვნელოვანი: ისეთი მარტივი, როგორიცაა წყლის ბოთლის დამჭერი ან წიგნის დასადები, თუ უფრო ინტერაქტიული რამ, როგორიცაა, მაგალითად ვიდეოთამაშები.

დისპლეი

მოძებნეთ ისეთი მკაფიო დისპლეი, რომელსაც მართვის ღილაკებიც მარტივად გამოსაყენებლად აქვს განლაგებული. კარგი ვარიანტია ისეთი დისპლეი, რომელიც აჩვენებს თქვენი გულისცემის, დამწვარი კალორიების, სიჩქარის, წუთში ბრუნების რაოდენობის (RPM) და რეზისტენტურობის დონის კომბინაციას და ასევე ისეთ დეტალებს, როგორიცაა დრო და გავლილი მანძილი.

პროგრამირება

განიხილეთ ისეთი მოწყობილობები, რომლის პროგრამებიც საშუალებას მოგცემთ რუტინები თქვენი ფიტნეს დონის მიხედვით დაარეგულიროთ და გულის ცემის მაჩვენებლის მართვის ვარჯიშებს მოიცავს, რომელიც ასევე ითვალისწინებს თქვენს ასაკს, წონასა და სქესს.

პულსის სიხშირის მონიტორი 

მკერდის ქამრიანი მოდელები ნამდვილად საუკეთესოა, ისინი არ უშლიან ხელს თქვენს თავისუფალ მოძრაობას. კონტაქტის მონიტორები ზომავენ თქვენს გულისცემის რიტმს მხოლოდ მაშინ, როდესაც თქვენ მას ეხებით, რაც ნამდვილად მოუხერხებელია. ინდივიდუალური გულისცემის მონიტორები კი 28 დოლარიდან 100 დოლარამდე ფასებში მერყეობს.

რეზისტენტულობა

ეძიეთ ისეთი მოწყობილობა, რომელიც იოლად მორგებადია და აქვს ვარჯიშის დონეების განსხვავებული ვარიაციები. უმრავლესობა სავარჯიშო ველოსიპედებისა მოიცავს ელექტრონულ რეზისტენტულობის კონტროლს. ყველა ტესტირებული ველოსიპედი შესაძლოა დარეგულირებულ იქნას ელექტრონულად კონტროლერის გამოყენებით.

უსაფრთხოება

სავარჯიშო ველოსიპედებს გააჩნია ბევრი მოძრავი ნაწილი რაც შეიძლება საფრთხის შემცველი იყოს, ასე რომ, უმჯობესია თუ მიჰყვებით მითითებებს. დარწმუნდით რომ თქვენი სავარჯიშო ველოსიპედი ბავშვებისათვის არახელმისაწვდომ ადგილასაა განთავსებული და ასევე მოარიდეთ პატარა ბავშვები აღჭურვილობას, თუკი მას უსაფრთხოების საკეტები არ გააჩნია. დარწმუნდით რომ ბავშვები ახლოს არ არიან თქვენს სავარჯიშო ველოსიპედთან, მაშინ როდესაც ის მოხმარებაშია.


Tags

#ჯანმრთელობა
წინა სიახლე
პირველად საქართველოში: "შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს

MzeTV

სიახლეები

მსოფლიოში გავრცელებული მოგზაურთა ინფექციური დაავადებები
November 28, 2021
1 min
© 2021, All Rights Reserved.

ლინკები

ჩვენს შესახებ

სოციალური მედია